पनवेल (प्रतिनिधी) उदयोन्मुख खेळाडूंना प्रोत्साहन देण्यासाठी भारतीय जनता युवा मोर्चा पनवेलतर्फे पनवेल विधानसभा मतदार संघात माजी खासदार लोकनेते रामशेठ ठाकूर, लोकप्रिय आमदार प्रशांत ठाकूर, आमदार महेश बालदी, भाजपचे जिल्हाध्यक्ष अविनाश कोळी, पनवेल महानगरपालिकेचे माजी सभागृहनेते परेश ठाकूर यांच्या नेतृत्वाखाली आयोजित केसात आलेल्या नमो चषक २०२५ क्रीडा महोत्सव अंतर्गत रविवार दिनांक ०९ फेब्रुवारीला सायंकाळी ०४ वाजता लोकनेते रामशेठ ठाकूर पब्लिक स्कुलच्या मैदानावर फुटबॉल स्पर्धा होणार आहे.
या स्पर्धेतील विजेत्या संघास २० हजार रुपये, द्वितीय क्रमांकास १० हजार रुपये तर तृतीय क्रमांकाला ५ हजार रुपये आणि सर्व विजेत्या संघास प्रमाणपत्र देऊन सन्मानित करण्यात येणार आहे.या स्पर्धेसाठी सहा अधिक तीन असा खेळाडूंचा गेम फॉरमॅट असून पाच मुले, एक मुलगी आणि तीन सब्स्टीट्युट असा नऊ खेळाडूंचा सहभाग असणार आहे. आणि प्रत्येक संघात एक मुलगी खेळाडू असणे अनिवार्य आहे. ही अतिशय उत्तम आणि प्रेरणादायी स्पर्धा असून युवा खेळाडूंना संधी देण्यासाठी आणि त्यांना प्रोत्साहन देणारी आहे.
ही स्पर्धा म्हणजे केवळ फुटबॉल खेळण्याची संधी नसून, पनवेलच्या क्रीडा संस्कृतीला एक नवीन दिशा देणारे व्यासपीठ आहे. त्यामुळे क्रीडाप्रेमींनी आणि नागरिकांनी या स्पर्धेला मोठ्या संख्येने उपस्थित राहून खेळाडूंना प्रोत्साहन द्यावे, असे आवाहन आयोजकांतर्फे करण्यात आले आहे.
