, 4kNews कामोठे दि. 19
पनवेल (प्रतिनिधी) : गणेशोत्सवानिमित्त भाजपचे महाराष्ट्र प्रदेश चिटणीस आमदार प्रशांत ठाकूर यांनी पनवेल विधानसभा मतदारसंघातील विविध भागांना भेटी देत सार्वजनिक गणेशोत्सव मंडळांसह घरगुती गणरायाचे दर्शन घेतले.
पनवेल, नवीन पनवेल, कामोठे, खारघर, कळंबोली, खांदा कॉलनी तसेच ग्रामीण भागातील विविध गणेशोत्सव मंडळांना त्यांनी भेट दिली. यावेळी मंडळांचे पदाधिकारी, कार्यकर्ते आणि नागरिकांनी त्यांचे स्वागत केले. मंडळांनी आयोजित केलेल्या धार्मिक, सामाजिक व सांस्कृतिक उपक्रमांची माहितीही त्यांनी जाणून घेतली.
याशिवाय नागरिकांच्या घरी विराजमान झालेल्या गणरायाचे दर्शन घेऊन त्यांनी आरती केली व सुख, समृद्धी, आरोग्य आणि आनंदासाठी प्रार्थना केली.
गणेशोत्सव हा भक्ती, श्रद्धा आणि सामाजिक एकोप्याचा उत्सव असून, या माध्यमातून समाजातील सलोखा अधिक दृढ व्हावा, अशी भावना व्यक्त करत आमदार प्रशांत ठाकूर यांनी गणेशभक्तांना शुभेच्छा दिल्या.
