4k News कामोठे दि. 6
पनवेल (प्रतिनिधी) : संजय कदम दिवाळीचा आनंद सर्व मुलांना घेता यावा, या सामाजिक भावनेतून ‘रायगड पनवेल’चे संपादक संतोष भगत यांनी यंदाही परिसरातील गरजू मुलांना फटाक्यांचे वाटप केले. फटाक्यांची पाकिटे हातात मिळताच मुलांच्या चेहऱ्यावर आनंद फुलला.

आर्थिक परिस्थितीमुळे कोणत्याही मुलाला दिवाळीच्या आनंदापासून वंचित राहावे लागू नये, या उद्देशाने संतोष भगत दरवर्षी हा उपक्रम राबवितात. दिवाळी हा केवळ स्वतःच्या आनंदाचा नव्हे, तर इतरांनाही आनंदात सहभागी करून घेण्याचा सण आहे, हा संदेश त्यांच्या उपक्रमातून मिळतो.

विशेष म्हणजे, संतोष भगत वर्षभर मुलांसाठी विविध उपक्रम राबवितात. अंगणात दहीहंडी उत्सवाचे आयोजन करणे तसेच होळीनिमित्त रंगवाटप करून मुलांच्या चेहऱ्यावर हसू फुलविणे, असे उपक्रमही ते सातत्याने घेत असतात. त्यांच्या या सामाजिक उपक्रमांचे परिसरातून कौतुक होत आहे.