4kNews कामोठे दि. 6
खारघर (प्रतिनिधी) : खारघरवासीयांच्या आग्रहास्तव आणि पनवेलचे आमदार प्रशांत ठाकूर यांच्या संकल्पनेतून भारतीय जनता पार्टी, खारघर यांच्या वतीने सलग चौथ्या वर्षी ‘दिवाळी संध्या’ या सांगीतिक कार्यक्रमाचे आयोजन करण्यात आले आहे. यंदा सुप्रसिद्ध गायिका आर्या आंबेकर आपल्या सुमधुर आवाजातून लोकप्रिय गीतांची सुरेल मैफल सादर करणार आहेत.
शनिवार, ७ नोव्हेंबर २०२६ रोजी सायंकाळी ६.३० वाजता सेक्टर १२ येथील गावदेवी मैदान, खारघर येथे हा कार्यक्रम होणार आहे. दिवाळीनिमित्त आयोजित या संगीत मैफलीसाठी प्रवेश विनामूल्य असून, खारघरकरांनी मोठ्या संख्येने उपस्थित राहून कार्यक्रमाचा आनंद घ्यावा, असे आवाहन खारघर मंडल अध्यक्ष तथा नगरसेवक प्रवीण पाटील आणि पदाधिकाऱ्यांनी केले आहे.
अधिक माहितीसाठी दीपक शिंदे (९९३०२९१८१४), दीपक ठाकूर (७७३८२८००२२), आयुष घरत (८४३३८६३२३९) किंवा साधना पवार (७०२१५०१००८) यांच्याशी संपर्क साधावा.
