पनवेल दि. ११ : अखिल भारतीय मराठी पत्रकार परिषद आणि पनवेल महानगर प्रेस क्लब यांच्या संयुक्त विद्यमाने माजी खासदार तथा लोकनेते रामशेठ ठाकूर यांचा विशेष सत्कार करण्यात आला. हा कार्यक्रम संस्थेचे विश्वस्त तथा रायगड प्रेस क्लबचे संस्थापक एस. एम. देशमुख आणि अध्यक्ष मिलिंद अष्टिवकर यांच्या पुढाकाराने आयोजित करण्यात आला होता.
यावेळी भाजपचे ज्येष्ठ नेते जे. एम. म्हात्रे, राज्य परिषद सदस्य अरुणशेठ भगत, पनवेल महानगर प्रेस क्लबचे अध्यक्ष प्रशांत शेडगे, ज्येष्ठ पत्रकार गणेश कोळी, विजय पवार, रत्नाकर पाटील, हरेश साठे, नितीन कोळी यांच्यासह अनेक पत्रकार व मान्यवर उपस्थित होते.
कार्यक्रमात रामशेठ ठाकूर यांच्या सामाजिक, राजकीय आणि जनसामान्यांशी असलेल्या जिव्हाळ्याच्या कार्याचा गौरव करण्यात आला. उपस्थित मान्यवरांनी त्यांच्या कार्याचा गौरव करत भविष्यातही समाजहितासाठी असेच कार्य सुरू ठेवण्याच्या शुभेच्छा दिल्या.
