4kNews
पनवेल / दि 29 पालिका हद्दीतील जनतेच्या प्रश्न तत्काळ सोडवण्यासाठी आयुक्तांचे पालिका प्रशासनाला आदेश !!
प्रहार संघटनेने पनवेल शहरातील नागरिकांना भेडसावणाऱ्या सामाजिक समस्याबाबत पालिका आयुक्त मंगेश चितळे आणि महापौर नितीन पाटील यांची भेट घेत नागरी समस्या सोडवण्यासाठी निवेदन देत नागरी प्रश्न तातडीने मार्गी न लावल्यास प्रहार संघटने तर्फे बेमुदत उपोषण करण्याचा इशारा दिला होता, त्या अनुषंगाने दिनांक २६/०५/२०२६ रोजी प्रहार संघटनेची पनवेल मधील जनतेच्या प्रलंबित मागण्यासाठी मा. मंगेश चितळे ( पालिका आयुक्त) यांच्या उपस्थितीत बैठक पार पडली. 

यावेळी अनेक विषयांवर सकारात्मक चर्चा झाली व मागण्यांच्या अनुषंगाने येत्या महिन्याभरात कारवाई करण्यात येईल असे आश्वासन दिले अशी माहिती प्रसिद्धी पत्रकात दिल्याची माहिती डॉ. सुनील शिरीषकर यांनी दिली. यावेळी पालिका प्रशासनाच्या वतीने मा. महेश मेघमाळे ( अतिरिक्त आयुक्त ), मा. कैलास गावडे ( उपायुक्त मुख्यालय ) , मा. आनंद गोसावी ( मुख्य वैदकीय अधिकारी ) , मा. संजय कटेकर ( शहर अभियंता ) , मा. विलास चव्हाण ( उप अभियंता पाणी पुरवठा ) , मा. संजय बोडके ( मुख्य अग्निशमन अधिकारी ) तसेच प्रहार संघटनेच्या वतीने डॉ. सुनील शिरीषकर ( अध्यक्ष रायगड जिल्हा) , श्री. अजय कदम, श्री. राहुल तेलंग, श्री. पंकज मोहिते, श्री. अभिनव येलवे आदी पदाधिकारी उपस्थित होते.