4kNews कामोठे

उरण दि ९(विठ्ठल ममताबादे )सर्वांचे लक्ष लागून राहिलेल्या जसखार ग्रामसुधारणा मंडळाच्या निवडणुकीत रंजीत पाटील यांची अध्यक्षपदी, तर सुरज कडू यांची सेक्रेटरीपदी निवड झाली. या निकालानंतर गावातील सामाजिक तसेच स्थानिक राजकीय समीकरणांबाबत चर्चा रंगली असून, आगामी २०२७ च्या ग्रामपंचायत निवडणुकीच्या पार्श्वभूमीवर या निकालाकडे विशेष महत्त्वाने पाहिले जात आहे.
या निवडणुकीच्या निकालामुळे २०२७ च्या ग्रामपंचायत निवडणुकीसाठी आतापासूनच मोर्चेबांधणी करून बसलेल्या अनेकांचे मनसुबे आणि राजकीय गणिते बदलल्याची चर्चा ग्रामस्थांमध्ये सुरू झाली आहे. ग्रामसुधारणा मंडळाच्या निवडणुकीत ग्रामस्थांनी दिलेल्या कौलामुळे २०२७ च्या ग्रामपंचायत निवडणुकीसाठी पाहिलेली अनेकांची स्वप्ने भंगली असल्याचेही बोलले जात आहे.

अध्यक्षपदासाठी रंजीत पाटील यांच्या विरोधात मितेश मोकल हे निवडणुकीच्या रिंगणात होते. मात्र, रंजीत पाटील यांनी बाजी मारत अध्यक्षपद पटकावले. तर सेक्रेटरीपदासाठी जसखार ग्रामपंचायतीचे विद्यमान सदस्य राकेश तांडेल हे सुरज कडू यांच्या विरोधात मैदानात होते. या निवडणुकीत सुरज कडू यांना ६७ मते, तर राकेश तांडेल यांना ५२ मते मिळाली.
या निवडणुकीकडे जसखार ग्रामस्थांचे विशेष लक्ष लागले होते.
विशेषतः सेक्रेटरीपदाच्या निवडणुकीत सुरज कडू यांनी ६७ मते मिळवत राकेश तांडेल यांच्यावर मिळवलेला विजय लक्षवेधी ठरला. राकेश तांडेल यांच्या बाजूने गावातील ज्येष्ठ नेते पी. जे. पाटील  हे त्यांच्या पूर्ण कुटुंबातील पुरुष सभासदां सोबत हजर होते म्हणून ही लढत अजून चूरशीची आणि प्रतिष्टेची ठरली होती. तसेच, मितेश मोकल आणि राकेश तांडेल यांच्या बाजूने गावातील काही सामाजिक संघटनांचाही पाठिंबा असल्याची चर्चा होती. मात्र, या सर्व पार्श्वभूमीवरही सुरज कडू यांनी ६७ मते मिळवत सेक्रेटरीपदावर विजय मिळवला. त्यामुळे या निकालाकडे ग्रामस्थांच्या मतदानातून व्यक्त झालेला स्पष्ट कौल म्हणून पाहिले जात आहे.

प्रत्येक निवडणुकीत ग्रामस्थांची दिशाभूल करणाऱ्या सामाजिक संघटनांना यावेळी ग्रामस्थांनी आपल्या मतदानातून स्पष्ट कौल देत त्यांची जागा दाखवून दिल्याची चर्चा गावात रंगली आहे. त्यामुळे या निवडणुकीत उमेदवारांसोबतच सामाजिक संघटनांची भूमिका आणि त्यांचा प्रभाव यावरही मोठ्या प्रमाणात चर्चा झाली.
तसेच, प्रत्येक निवडणुकीत स्वतःला सूत्रधार आणि राजकीय सूत्रे हलवणारी व्यक्ती म्हणून पुढे करणाऱ्या राकेश तांडेल यांच्या भूमिकेलाही यावेळी ग्रामस्थांनी आपल्या मतदानातून स्पष्ट उत्तर दिल्याची चर्चा जसखारमध्ये सुरू आहे. सुरज कडू यांना मिळालेली ६७ मते आणि राकेश तांडेल यांना मिळालेली ५२ मते यामुळे या निकालाकडे विशेष लक्ष वेधले गेले आहे.
याच निवडणुकीत राकेश तांडेल यांनी १४ पैकी १० पंचपदांसाठी उमेदवार उभे करून आपली ताकद दाखवण्याचा प्रयत्न केला होता. मात्र, उपलब्ध निकालानुसार या १० उमेदवारांपैकी एकाही उमेदवाराला विजय मिळवता आला नाही. त्यामुळे या निकालाची गावात विशेष चर्चा सुरू झाली आहे.
राकेश तांडेल यांच्या समर्थित दहा पंचपदांच्या उमेदवारांपैकी एकाही उमेदवाराला विजय मिळवता न आल्याने, या निकालातून ग्रामस्थांनी कोणत्याही व्यक्ती किंवा संघटनेपेक्षा आपल्या मतदानाच्या माध्यमातून स्वतंत्र भूमिका स्पष्ट केल्याचे बोलले जात आहे. त्यामुळे ग्रामसुधारणा मंडळाची ही निवडणूक केवळ पदाधिकाऱ्यांच्या निवडीपुरती मर्यादित न राहता गावातील सामाजिक व स्थानिक राजकीय समीकरणांनाही दिशा देणारी ठरल्याची चर्चा आहे.

या निकालामुळे २०२७ च्या ग्रामपंचायत निवडणुकीसाठी आतापासूनच आखलेली राजकीय समीकरणे आणि मोर्चेबांधणी यांना नव्याने दिशा मिळण्याची शक्यता व्यक्त केली जात आहे. ग्रामसुधारणा मंडळाच्या निवडणुकीत उमेदवारांना मिळालेला पाठिंबा, विविध गटांची भूमिका आणि मतदानाचा कल यामुळे आगामी ग्रामपंचायत निवडणुकीपूर्वी जसखारमधील स्थानिक राजकीय वातावरण अधिक सक्रिय होण्याची चर्चा सुरू झाली आहे.
नवनिर्वाचित अध्यक्ष रंजीत पाटील आणि सेक्रेटरी सुरज कडू यांच्या नेतृत्वाखाली ग्रामसुधारणा मंडळाच्या माध्यमातून गावातील सामाजिक, विकासात्मक आणि नागरी प्रश्नांसाठी प्रभावीपणे काम केले जाईल, अशी अपेक्षा ग्रामस्थांकडून व्यक्त करण्यात येत आहे.पंचपदासाठी भारत तांडेल, मिलिंद ठाकूर, जतिन पाटील, दिवेश घरत, देवानंद घरत, लतिकेश म्हात्रे, हितेश ठाकूर, गणेश ठाकूर, हेमंत ठाकूर, ऋषिकेश म्हात्रे, हार्दिक पारवे, वैष्णव ठाकूर, हेमंत ध. ठाकूर, केतन ठाकूर यांची निवड झाली.निवडणुकीनंतर विजयी उमेदवारांच्या समर्थकांनी जल्लोष करत त्यांचे अभिनंदन केले. ग्रामस्थांनी दिलेला विश्वास सार्थ ठरवून गावाच्या विकासासाठी एकजुटीने काम करण्याचा निर्धार नवनिर्वाचित पदाधिकाऱ्यांनी व्यक्त केला.