4kNews कामोठे
पनवेल, दि.17  (वार्ताहर) : भारतीय स्वातंत्र्याच्या ८०व्या स्वातंत्र्यदिनानिमित्त रा. जि. प. प्राथमिक शाळा, वडघर येथे उत्साहात ध्वजारोहण करण्यात आले. स्कूल कमिटीचे अध्यक्ष चंद्रकांत कांबळे यांच्या हस्ते ध्वजारोहणाचा कार्यक्रम संपन्न झाला. यावेळी शिक्षक, विद्यार्थी, पालक तसेच ग्रामस्थ मोठ्या संख्येने उपस्थित होते. 

तसेच गुरु लिंगेश्वर शाळा, पनवेल येथेही स्वातंत्र्यदिन उत्साहात साजरा करण्यात आला. शाळेतील ध्वजारोहण स्वाभिमानी रिपब्लिकन पक्ष युथ रिपब्लिकनचे रायगड जिल्हाध्यक्ष महेश साळुंखे यांच्या हस्ते संपन्न झाले. 

महेश साळुंखे हे समाजाप्रती असलेली आपली कर्तव्यभावना जपत दरवर्षी विविध सामाजिक उपक्रम राबवितात. विद्यार्थ्यांच्या शैक्षणिक विकासाला प्रोत्साहन देण्यासाठी शैक्षणिक साहित्याचे वाटप तसेच गुणवंत विद्यार्थ्यांचा सत्कार समारंभही त्यांच्या वतीने नियमितपणे आयोजित केला जातो.
विद्यार्थ्यांमध्ये देशप्रेम, सामाजिक बांधिलकी आणि शिक्षणाची गोडी निर्माण व्हावी, या उद्देशाने राबविण्यात येणाऱ्या त्यांच्या सामाजिक उपक्रमांचे उपस्थितांनी कौतुक केले. स्वातंत्र्यदिनाच्या निमित्ताने शाळेच्या परिसरात देशभक्तीपर वातावरण निर्माण झाले होते.