आधुनिक डर्मेटोलॉजी, कॉस्मेटोलॉजी, लेझर आणि एस्थेटिक उपचारांचा एकात्मिक अनुभव देणारे केंद्र
पनवेल, 3 सप्टेंबर 2026 : त्वचा आणि केसांच्या आरोग्याबरोबरच आधुनिक सौंदर्योपचार व एस्थेटिक केअरची वाढती गरज लक्षात घेऊन Skinourish – Dermatology, Cosmetology, Laser & Aesthetics या अत्याधुनिक केंद्राचा आज म्हात्रे अँक्सिडेंट हॉस्पिटल, पनवेल येथे शुभारंभ करण्यात आला.

या उद्घाटन सोहळ्यास पनवेल विधानसभा मतदारसंघाचे आमदार प्रशांत ठाकूर, महापौर नितीन पाटील पनवेल महानगरपालिकेचे नामनिर्देशित नगरसेवक परेश ठाकूर, माजी विधान परिषद सदस्य बाळाराम पाटील, ज्येष्ठ नेते व पनवेल नगरपरिषदेचे माजी नगराध्यक्ष जे. एम. म्हात्रे, शिवसेना (उद्धव बाळासाहेब ठाकरे) गटाचे संपर्कप्रमुख बबनदादा पाटील तसेच भाजप नेते व पनवेल महानगरपालिकेचे माजी विरोधी पक्षनेते प्रीतम जनार्दन म्हात्रे यांच्यासह पनवेल, नवी मुंबई आणि रायगड परिसरातील अनेक मान्यवर, शल्यचिकित्सक, डॉक्टर, वैद्यकीय तज्ज्ञ व विविध क्षेत्रांतील प्रतिनिधी उपस्थित होते.

आधुनिक तंत्रज्ञान आणि वैद्यकीय दृष्टिकोनाचा संगम
Skinourish ची संकल्पना वैद्यकीय डर्मॅटोलॉजी, कॉस्मेटोलॉजी, लेझर आणि एस्थेटिक केअर या विविध शाखांचा एकात्मिक अनुभव देण्याच्या उद्देशाने विकसित करण्यात आली आहे.
अत्याधुनिक पायाभूत सुविधा व आधुनिक तंत्रज्ञानाच्या सहाय्याने त्वचा आणि केसांशी संबंधित विविध समस्यांचे निदान व उपचार करण्यावर येथे भर देण्यात आला आहे. प्रत्येक व्यक्तीची त्वचा व केसांची गरज वेगळी असल्याने वैयक्तिक उपचार नियोजन ही संकल्पना केंद्रस्थानी ठेवण्यात आली आहे.

पिग्मेंटेशन, मुरुम व त्यांचे व्रण, त्वचेचा पोत, एजिंगशी संबंधित बदल, अवांछित केस, केसगळती आणि केसांच्या आरोग्याशी संबंधित समस्यांसाठी आधुनिक उपचारपद्धती येथे उपलब्ध करून देण्यात आल्या आहेत.
डर्मॅटोलॉजीपासून एस्थेटिक्सपर्यंत एकाच छताखाली
लेझर आणि एस्थेटिक उपचारांबाबत वाढती जागरूकता लक्षात घेऊन Dermatology, Cosmetology, Laser आणि Aesthetics या चारही क्षेत्रांना एकाच ठिकाणी आणण्याचा प्रयत्न Skinourish च्या माध्यमातून करण्यात आला आहे.
आधुनिक उपकरणे व तंत्रज्ञानासोबत योग्य वैद्यकीय मार्गदर्शन, सुरक्षितता आणि वैयक्तिक उपचार नियोजनाला महत्त्व देण्यात आले आहे. ‘सुंदर दिसणे’ यापलीकडे जाऊन निरोगी त्वचा, योग्य निदान आणि आत्मविश्वासपूर्ण व्यक्तिमत्त्व या व्यापक दृष्टिकोनातून Skinourish ची उपचार संकल्पना विकसित करण्यात आली आहे.

पनवेलच्या आरोग्यसेवा क्षेत्रात नवी भर
म्हात्रे  अँक्सिडेंट हॉस्पिटलच्या आरोग्यसेवा परिसंस्थेत Skinourish ची भर पडल्याने पनवेल, नवी मुंबई आणि रायगड परिसरातील नागरिकांसाठी आधुनिक त्वचा, केस, लेझर आणि एस्थेटिक केअरचा नवीन पर्याय उपलब्ध झाला आहे.
उद्घाटन सोहळ्यात उपस्थित डॉक्टर, शल्यचिकित्सक, वैद्यकीय तज्ज्ञ आणि मान्यवरांनी या नव्या उपक्रमाचे स्वागत केले. आधुनिक तंत्रज्ञान आणि वैद्यकीय कौशल्य यांचा समन्वय साधत त्वचा आणि केसांच्या आरोग्याकडे व्यापक दृष्टिकोनातून पाहण्याच्या दिशेने Skinourish चा प्रवास सुरू झाला आहे.