4kNews कामोठे दि. 17
पनवेल,  : शिवसेना उद्धव बाळासाहेब ठाकरे पक्षाचे विभागप्रमुख कैलास बबनदादा पाटील, नगरसेविका प्रगती कैलास पाटील आणि नगरसेवक नितीन गावंड यांच्या वतीने रविवारी (दि. १६) आयोजित करण्यात आलेल्या ST स्मार्ट कार्ड व NCMC कार्ड शिबिराला नागरिकांचा उत्स्फूर्त प्रतिसाद मिळाला. 

वॉर्डातील नागरिकांना स्मार्ट कार्ड तसेच NCMC कार्ड उपलब्ध करून देण्याच्या उद्देशाने आयोजित या शिबिरात सकाळपासूनच नागरिकांची मोठी गर्दी झाली होती. विविध वयोगटातील नागरिकांनी शिबिराला उपस्थित राहून कार्डसाठी आवश्यक प्रक्रिया पूर्ण केली.
नागरिकांना सार्वजनिक वाहतूक सेवेचा अधिक सुलभपणे लाभ घेता यावा, तसेच स्मार्ट कार्डच्या माध्यमातून प्रवासाची सुविधा उपलब्ध व्हावी, या उद्देशाने आयोजित करण्यात आलेल्या या उपक्रमाचे नागरिकांनी स्वागत केले. शिबिराच्या माध्यमातून मोठ्या संख्येने नागरिकांनी लाभ घेतला.

शिबिर यशस्वी करण्यासाठी आयोजक व कार्यकर्त्यांनी विशेष परिश्रम घेतले. नागरिकांच्या वाढत्या प्रतिसादामुळे अशा प्रकारच्या लोकाभिमुख उपक्रमांची गरज अधोरेखित झाली.