4k सामाचार
पनवेल दि. १५ ( संजय कदम ) : अमली पदार्थ विरोधी जनजागृती मोहिमेअंतर्गत आज दि. १५ ऑगस्ट २०२५ रोजी खांदेश्वर पोलीस ठाणे हद्दीमध्ये विविध प्रमाणे कार्यक्रमाचे आयोजन करण्यात आले होते .सदर कार्यक्रमात वपोनि स्मिता ढाकणे यांच्या मार्गदर्शनाखाली पोलीस अधिकारी व पोलीस अंमलदार यांनी सहभाग घेतला होता. या कार्यक्रमा दरम्यान अधिकाऱ्यांनी अमली पदार्थाचे दुष्परिणाम याबाबत जनतेला माहिती देऊन जनजागृती केली.
या अंतर्गत येथील सी के टी कॉलेज खांदा कॉलनी ते खांदेश्वर पोलीस ठाणे येथे मानवी साखळी व पायी रॅली यात 110 विद्यार्थी शिक्षक व पो. अधिकारी व अंमलदार यांचा सहभाग होता . त्यानंतर खांदेश्वर पोलीस ठाणे येथील सायकल रॅली यात रोटरी क्लब सहभाग होता . त्यानंतर रायन स्कूल सेक्टर ११ येथे जनजागृती अभियान राबविण्यात आले तसेच एनएमएमटी बस डेपो आसुडगाव येथे जनजागृती अभियान त्याच प्रमाणे सेंट जोसेफ स्कूल, सेक्टर-७, नवीन पनवेल येथे जनजागृती अभियान तर पनवेल रेल्वे स्टेशन येथे जनजागृती अभियान तसेच आदई ग्रामपंचायत येथे ,बालाजी स्प्लेंडर फेज २, आदई येथे अष्टविनायक गृह संकुल फेज २ सोसा. आदई येथे सन बेन सोसायटी आसुडगाव ,पुष्प विनायक कॉम्प्लेक्स आदई गाव येथे सुद्धा अमली पदार्थ विरोधी जनजागृती मोहिम राबविण्यात आली. याला उपस्थितांनी उत्स्फूर्त प्रतिसाद दिल्याची माहिती वरिष्ठ पोलीस निरीक्षक स्मिता ढाकणे यांनी यावेळी दिली .
