4k समाचार दि. 19
पनवेल (प्रतिनिधी) क्रीडा व युवक संचालनालय पुणे व महाराष्ट्र राज्य आणि मुंबई उपनगर क्रीडा कार्यालय यांच्या संयुक्त विद्यमाने अमेया क्लासिक क्लब यशवंत नगर विरार येथे झालेल्या मुंबई विभागीय स्केटिंग स्पर्धेमध्ये जनार्दन भगत शिक्षण प्रसारक संस्थेच्या नवीन पनवेल येथील चांगू काना ठाकूर उच्च माध्यमिक (सी के टी) विद्यालयातील इयत्ता बारावीतील अवधूत सागर नाईक या विद्यार्थ्याने प्रथम क्रमांक पटकाविला असून त्याची राज्यस्तरीय स्केटिंग स्पर्धेसाठी निवड झाली आहे.      

  अवधूत नाईकने स्पर्धेत दाखवलेल्या कौशल्यपूर्ण खेळी, गती आणि धैर्याची परीक्षकांनी दखल घेत त्याला विजेतेपद बहाल केले. कठोर मेहनत, सततचा सराव आणि प्रशिक्षकांच्या मार्गदर्शनाच्या जोरावर त्याने हे यश मिळवले असून, राज्य पातळीवरही तो असाच दमदार प्रदर्शन करेल असा विश्वास व्यक्त करण्यात येत आहे. अवधूतच्या या चमकदार कामगिरीबद्दल जनार्दन भगत शिक्षण प्रसारक संस्थेचे चेअरमन माजी खासदार लोकनेते रामशेठ ठाकूर, अध्यक्ष अरुणशेठ भगत, व्हाईस चेअरमन वाय. टी. देशमुख, सचिव डॉ. एस. टी. गडदे, प्राचार्य प्रशांत मोरे, मुख्याध्यापक संतोष चव्हाण, पर्यवेक्षक अजित सोनवणे, पर्यवेक्षिका स्वाती पाटील, क्रीडा शिक्षक अरुण पाटील, मनोज पाटील तसेच सर्व शिक्षक व शिक्षकेतर कर्मचारी यांनी त्याचे मनापासून अभिनंदन पुढील वाटचालीसाठी शुभेच्छा दिल्या.