4 kसामाचार
पनवेल दि.11 (वार्ताहर): शिवसेना (उद्धव बाळासाहेब ठाकरे) पक्षाने तालुक्यातील चिंध्रण येथे आमरण उपोषणाला बसलेल्या भूमिपुत्रांना पाठिंबा दिला आहे.
तळोजा एम आय डी सी च्या विस्ताराकरीता चिंध्रण व लगतच्या गावांचे भुसंपादन करण्यात येत असुन सोबत अदानी समुहाला याकरीता शेतकर्यांची जमीन कवडीमोलाने खरेदी करत असुन बाजारमुल्य व योग्य मोबदला न देता शेतकर्यांची फसवणुक एमआयडीसी प्रशासन व अदानी समुह करत असल्याने या विरोधात चिंध्रण ,कानपोली व *महालुंगी ग्रामस्थ तसेच *स्वाभिमानी *शेतकरी *संघटना यांच्या वतीने गेले ५ दिवसांपासुन आमरण उपोषण करण्यात येत आहे.
नागरीक मोठ्या संख्येने न्याय हक्कासाठी या उपोषणास बसले असून या उपोषणाला शिवसेना पक्षाच्या वतीने जिल्हाप्रमुख शिरीष घरत ,उपजिल्हाप्रमुख भरत पाटील , शिवसेना महानगरप्रमुख अवचित राऊत , समन्वयक दिपक घरत आदी उपस्थित राहुन या उपोषणास शिवसेना पक्षाच्या वतीने पाठींबा दर्शवला आहे.
