4kNews दि. 9
नवी मुंबई : कोपरखैरणे सेक्टर-4A येथे केवळ नाकातील केस कापण्याच्या किरकोळ कारणावरून सलून कारागिरावर बेदम मारहाण झाल्याची धक्कादायक घटना घडली आहे.
मिळालेल्या माहितीनुसार, आरोपी गणेश पार्टे हा इतरत्र केस कापून सुजय पाटील यांच्या सलूनमध्ये आला. त्याने तेथील कारागीर असू खान यांना नाकातील केस कापून देण्याची मागणी केली. यावर खान यांनी, “जिथे केस कापले तिथेच जा आणि तिथेच नाकातील केसही कापून घ्या,” असे सांगताच आरोपी संतापला. 

वाद वाढताच गणेश पार्टे याने असू खान यांना प्रथम हाताने व नंतर लोखंडी रॉडने मारहाण केली. या हल्ल्यात असू खान जखमी झाले असून त्यांनी कोपरखैरणे पोलीस ठाण्यात तक्रार दाखल केली आहे.
कोपरखैरणे पोलिसांनी गुन्हा नोंदवून अधिक तपास सुरू केला आहे.