4kNews
पनवेल, दि.17 (वार्ताहर) ः पनवेल शहर पोलिसांना कर्नाळा स्पोर्ट्स अकॅडमीच्या बाजूला असलेल्या कातकरवाडीच्या जवळ पडीक एचओसी क्वार्टर्स जवळ झाडाखाली एका 30 ते 35 वर्षीय इसमाचा मृतदेह सापडून आला. त्याच्या नातेवाईकाचा शोध पनवेल शहर पोलीस घेत आहेत.

त्याचा उजवा डोळा बंद असून डावा डोळा बाहेर आलेला आहे. नाकातोंडातून फेस येत आहे. गळ्यात रुद्राक्ष माळ असून उजव्या हातात स्टीलचे कडे आहे. त्याने अंगात पांढरे आणि जांभळ्या रंगाचा शर्ट आणि कमरेला काळ्या रंगाचा बेल्ट आहे. त्याने निळ्या रंगाची जीन्स पॅन्ट नेसली असून पायामध्ये पांढरे आणि ग्रे रंगाचे स्पोर्ट्स शूज आहेत. या इसमा बाबत अधिक माहिती असल्यास सहाय्यक पोलीस निरीक्षक सचिन पोवार यांच्याशी संपर्क साधावा.