पेण – पनवेल मार्गावर कर्नाळा खिंडीत महाभीषण अपघात
चालक जगदीश हाजरा जागीच ठार तर गाडी मालक पल्लवी जोशी गंभीररित्या जखमी
पनवेल, दि.8 (वार्ताहर) ः ठाण्यावरून वडखळ कडे जाणार्या एका कारला भरधाव वेगात जाणार्या कंटेनरने धडक देवून कारवर पलटी झाल्याने या अपघातात एक ठार 1 जखमी झाल्याची घटना कर्नाळा खिंडीत घडली आहे.
कार मध्ये असलेले पल्लवी जोशी या कार मालक ड्रायव्हर जगदीश हाजरा यांच्या सोबत ठाण्याहून वडखळ कडे जात होते. ते कर्नाळा खिंडीत आले असता भरता वेगात येणार्या कंटेनरने गाडीला जोरदार धडक देत गाडीवरच पलटी झाला.
कारचा अक्षरशः चक्काचूर झाला असून चालक जगदीश हाजरा यांना या अपघातात आपले प्राण गमवावे लागलेत. तर पल्लवी जोशी या गंभीररित्या जखमी झाल्या असून त्यांना उपचारासाठी तत्काळ रुग्णालयात दाखल करण्यात आले आहे. अपघातानंतर स्थानिक नागरिकांनी तात्काळ धाव घेत जखमींना गाडीबाहेर काढले. हायड्राच्या सहाय्याने गाडीवरील पळटलेला कंटेनर बाजूला काढण्यात आला.
