पनवेल (प्रतिनिधी) आदर्श शैक्षणिक समूह, सकाळ समूह आणि पनवेल टाइम्स यांच्या संयुक्त विद्यमाने युवकांसाठी ‘व्हिजन भारत – जेन झी : संवाद ते संकल्प’ या विशेष कार्यक्रमाचे आयोजन गुरुवार, दि. १३ ऑगस्ट रोजी सकाळी ११ वाजता आदर्श शैक्षणिक संकुल, देवद-विचुंबे येथे करण्यात आले आहे.युवकांच्या विचारांना दिशा देणे, त्यांच्या आकांक्षा आणि प्रश्नांना व्यासपीठ उपलब्ध करून देणे तसेच विकसित भारताच्या संकल्पनेत युवा पिढीची भूमिका अधोरेखित करणे, हा या कार्यक्रमाचा प्रमुख उद्देश आहे.
या कार्यक्रमासाठी भाजपा प्रदेशाध्यक्ष आमदार रवींद्र चव्हाण, प्रदेश चिटणीस आमदार प्रशांत ठाकूर, सकाळ माध्यम समूह व साम टीव्हीचे मुख्य संपादक निलेश खरे, ठाणे जिल्हा माहिती अधिकारी मनोज सानप तसेच आदर्श शैक्षणिक समूहाचे चेअरमन धनराज विसपुते यांची प्रमुख उपस्थिती राहणार आहे. युवकांनी मोठ्या संख्येने उपस्थित राहून या प्रेरणादायी संवादाचा लाभ घ्यावा, असे आवाहन आयोजकांच्या वतीने करण्यात आले आहे.
