पनवेल, दि.20 (वार्ताहर) ः दरवर्षीप्रमाणे यंदाही बाळासाहेब ठाकरे स्मृती चषक 2025 क्रिकेट स्पर्धेचे आयोजन जयभवानी क्रिकेट संघ कापड बाजार पनवेल यांच्यातर्फे छत्रपती संभाजी महाराज मैदान येथे करण्यात आले होते.

यावेळी प्रथम विजेता एमसीसी मोहल्ला पनवेल क्रिकेट संघ तर द्वितीय विजेता बजरंग इलेव्हन पारगांव व बेस्ट बॉलर शाहिद शेख. बेस्ट बॅट्समन नौमन पटेल मालिका वीर नरेश गायकवाड पारगाव यांना शिवसेना (उद्धव बाळासाहेब ठाकरे) पक्षाचे जिल्हाप्रमुख शिरिष घरत व युवा सेना सरचिटणीस अवचित राऊत यांच्या हस्ते बक्षिस देण्यात आले.

सदर क्रिकेट सामन्याचे आयोजन शिवसेना पनवेल शहरप्रमुख प्रवीण पोपटराव जाधव यांनी केले होते. या स्पर्धेचे उद्घाटन तालुकाप्रमुख संदीप तांडेल व ज्येष्ठ पत्रकार संजय कदम यांच्या शुभ हस्ते करण्यात आले. यावेळी या क्रिकेट सामन्याला शुभेच्छा देण्यासाठी जिल्हाप्रमुख शिरिष घरत, शिवसेना रायगड जिल्हा संपर्कप्रमुख बबन पाटील, आ.विक्रांत पाटील,

मा.आ.बाळाराम पाटील, युवासेना सहसचिव अवचित राऊत, काशिनाथ पाटील, विधानसभा संपर्कप्रमुख प्रसाद भोईर, महिला महानगर संघटीका लीना गरड, जिल्हा सल्लागार शिरिष बुटाला, उपजिल्हाप्रमुख रामदास पाटील, मा.नगरसेविका प्रीती जॉर्ज म्हात्रे, सुरेखा मोहोकर, शहर संघटीका अर्चना कुळकर्णी, उज्वला गावडे, अश्‍विनी देसाई, नवीन पनवेल शहरप्रमुख यतीन देशमुख, खांदा वसाहत शहरप्रमुख सदानंद शिर्के, कळंबोली शहरप्रमुख सुर्यकांत म्हसकर, मधुभाऊ पाटील आदींसह इतर मान्यवर उपस्थित होते.