4kNews कामोठे दि. 14
पनवेल (प्रतिनिधी) : कोकण एज्युकेशन सोसायटीच्या इंदुबाई वाजेकर इंग्लिश मीडियम स्कूलमध्ये ११ ऑगस्ट रोजी शिक्षक-पालक संघाची स्थापना बैठक उत्साहात पार पडली. यावेळी २०२६ वर्षासाठी नूतन कार्यकारिणीची निवड करण्यात आली.
अध्यक्षपदी मुख्याध्यापिका मानसी कोकीळ व मनीषा पाटील यांची निवड झाली. उपाध्यक्षपदी अर्चना कदम, केतकी मुकादम, जयश्री पाटील व सोनम पवार, तर सचिवपदी फ्रेडा डिटे, मिनिज काजी, दर्शना शिंदे व मीनाक्षी भोईर यांची निवड करण्यात आली. उपसचिवपदी पूजा येरुणकर, रुणाली म्हात्रे, नेहा राणे व जयेंद्र शेटे यांची निवड झाली.
शाळेत नर्सरी ते बारावीपर्यंत सुमारे ३,७०० विद्यार्थी असून, ९७ शिक्षकांचा स्टाफ कार्यरत आहे. शाळेत ४५ वर्गखोल्या व सुसज्ज विज्ञान प्रयोगशाळा उपलब्ध आहे. विद्यार्थ्यांच्या सुरक्षिततेसाठी शाळा परिसरात ११२ सीसीटीव्ही कॅमेरे बसविण्यात आले असल्याची माहिती यावेळी देण्यात आली. नवनियुक्त कार्यकारिणीचे शाळा प्रशासन, शिक्षक व पालकांनी अभिनंदन केले.
