4kNews कामोठे
पनवेल, दि.१ (प्रतिनिधी) : पनवेलमधील १४५ एकरांच्या गोदरेज सिटी टाउनशिपमध्ये ‘ऑन कोर्ट’ या इनडोअर पॅडेल केंद्राचे उद्घाटन करण्यात आले. भारतातील मोठ्या इनडोअर पॅडेल सुविधांपैकी एक असलेल्या या केंद्रात आंतरराष्ट्रीय दर्जाची चार कोर्ट्स आहेत. या उद्घाटन सोहळ्यास जागतिक क्रमवारीतील अव्वल पॅडेलपटू आर्टुरो कोएलो आणि ऑगस्टिन तापिया यांच्यासह उद्योग, मनोरंजन व क्रीडा क्षेत्रातील १०० हून अधिक मान्यवर उपस्थित होते.
पॅडेलपार्क इंडियाच्या सहकार्याने उभारण्यात आलेल्या या केंद्रातील कोर्ट्स स्पर्धात्मक सामने तसेच नियमित खेळासाठी तयार करण्यात आले आहेत. गोदरेज सिटीतील ९-होल गोल्फ कोर्स आणि हिरवाईने नटलेल्या परिसरामुळे येथे विविध क्रीडा व जीवनशैली सुविधांचा समावेश झाला आहे.
दरम्यान, गोदरेज सिटीमध्ये तीन व चार बेडरूमच्या स्काय व्हिलांचा नवीन टप्पाही जाहीर करण्यात आला. हे व्हिला गोल्फ कोर्स व पॅडेल कोर्ट्सच्या जवळ असून, आरोग्य व सक्रिय जीवनशैलीला पूरक सुविधांवर भर देण्यात आला आहे.
पॅडेल खेळाला भारतात वाढता प्रतिसाद मिळत असून, उच्च दर्जाच्या सुविधांमुळे या खेळाची लोकप्रियता आणखी वाढण्यास मदत होईल, असा विश्वास गोदरेज प्रॉपर्टीजच्या अधिकाऱ्यांनी व्यक्त केला.
