4kNews दि. 30
देहू : देहू–आळंदी BRTS रोड परिसरातील गायत्री लिगसी सोसायटीत राहणारे पुरुषोत्तम शंकर खराडे (वय अंदाजे ६५ वर्षे) हे सकाळच्या नियमित फेरफटक्यासाठी घराबाहेर पडल्यापासून बेपत्ता झाले आहेत.

मिळालेल्या माहितीनुसार, श्री. खराडे हे ५ जुलै २०२६ रोजी पहाटे सुमारे ४.४५ वाजता त्यांच्या निवासस्थान A-103, Gayatrree Legacy, शेल पेट्रोल पंपाजवळ, देहू–आळंदी BRTS रोड येथून मॉर्निंग वॉकसाठी बाहेर पडले होते. मात्र, त्यानंतर ते अद्याप घरी परतलेले नाहीत. विशेष म्हणजे, त्यांच्याकडे मोबाईल फोन किंवा पाकीट (वॉलेट) नसल्याची माहिती कुटुंबीयांनी दिली आहे. त्यांचे मूळ गाव बार्शी आहे.

श्री. खराडे यांच्याबाबत कोणतीही माहिती मिळाल्यास किंवा ते कुठे दिसल्यास नागरिकांनी तात्काळ निखिल खराडे (मुलगा) – ८८५५८ ८१२७३, राकेश पाटील – ९७३९७ ७०६५२ या क्रमांकांवर संपर्क साधावा किंवा जवळच्या पोलीस ठाण्यास माहिती द्यावी, असे आवाहन करण्यात आले आहे.
तसेच, ही माहिती जास्तीत जास्त नागरिकांपर्यंत पोहोचावी यासाठी हा संदेश सोशल मीडियाद्वारे पुढे पाठवून शोधकार्यात सहकार्य करण्याचे आवाहनही करण्यात आले आहे.