4k समाचार
पुणे, दि. १६ सप्टेंबर – पुणे जिल्ह्यात राष्ट्रवादी काँग्रेसच्या दोन्ही गटांना मोठा धक्का बसला आहे. स्थानिक स्वराज्य निवडणुकांच्या पार्श्वभूमीवर मावळ तालुक्यातील माजी नगराध्यक्ष, नगरसेवक, उपनगराध्यक्ष, कृषी उत्पन्न बाजार समितीचे संचालक यांसह तब्बल 34 पदाधिकाऱ्यांनी आज भारतीय जनता पक्षात प्रवेश केला.

मुंबई येथे झालेल्या पक्षप्रवेश सोहळ्यात भाजप प्रदेशाध्यक्ष रवींद्र चव्हाण यांच्या उपस्थितीत हा प्रवेश पार पडला. या नेत्यांच्या प्रवेशामुळे मावळ तालुक्यात भाजपची ताकद लक्षणीयरीत्या वाढली असून आगामी निवडणुकांमध्ये राष्ट्रवादी आणि भाजप आमनेसामने येण्याची चिन्हे निर्माण झाली आहेत.

अजित पवार यांच्या नेतृत्वाखालील राष्ट्रवादीस हा मोठा धक्का मानला जात असून, स्थानिक पातळीवर राजकीय समीकरणे बदलण्याची शक्यता वर्तवली जात आहे.