4kNews कामोठे दि. 6
पनवेल | प्रतिनिधी : स्वाभिमानी रिपब्लिकन पक्ष – युथ रिपब्लिकन पक्षाचे रायगड जिल्हाध्यक्ष महेश साळुंखे यांच्या वाढदिवसानिमित्त शनिवार, ८ ऑगस्ट २०२६ रोजी विविध समाजोपयोगी कार्यक्रमांचे आयोजन करण्यात आले आहे. या उपक्रमांमध्ये वृक्षारोपण, गुणवंत विद्यार्थ्यांचा सत्कार, साडी वाटप तसेच वाढदिवस अभिष्टचिंतन सोहळ्याचा समावेश आहे. 

कार्यक्रमाची सुरुवात सकाळी ११ वाजता वृक्षारोपणाने होणार आहे. त्यानंतर दुपारी २ वाजता रा. जि. प. शाळा, वडघर येथे गुणवंत विद्यार्थ्यांचा सत्कार समारंभ होईल. दुपारी ४ वाजता गुरु लिंगेश्वर शाळा, पनवेल येथे आणखी एका गुणवंत विद्यार्थी सत्कार समारंभाचे आयोजन करण्यात आले आहे.

सायंकाळी ५ वाजता पनवेल गेस्ट हाऊस येथे साडी वाटप कार्यक्रम आयोजित करण्यात आला असून, त्यानंतर सायंकाळी ७ वाजता समबाई नगर, प्रबुद्ध बुद्ध विहार, वडघर येथे वाढदिवस अभिष्टचिंतन सोहळा पार पडणार आहे.
या कार्यक्रमांचे आयोजन शरद कांबळे, निलेश कांबळे, प्रशांत सोनवणे यांच्यासह पक्षाचे पदाधिकारी व कार्यकर्त्यांनी केले असून, नागरिकांनी मोठ्या संख्येने उपस्थित राहून कार्यक्रमांचा लाभ घ्यावा, असे आवाहन आयोजकांनी केले आहे.