4kNews कामोठे दि. 6
मुंबई : समाजातील गरजू, वंचित आणि दुर्बल घटकांच्या सर्वांगीण विकासासाठी केएमबी ग्लोबल ह्युमॅनिटी फाउंडेशन या सामाजिक संस्थेची अधिकृत स्थापना करण्यात आली आहे. समाजहिताच्या विविध उपक्रमांच्या माध्यमातून सकारात्मक सामाजिक परिवर्तन घडवून आणण्याचा संस्थेचा संकल्प आहे.
संस्थेच्या माध्यमातून गरजूंना अन्नधान्याचे वाटप, विद्यार्थ्यांना शैक्षणिक मदत, मोफत आरोग्य तपासणी व आरोग्य शिबिरे, रक्तदान शिबिरे, महिला सक्षमीकरण, वृद्धाश्रम व अनाथाश्रमांना सहाय्य, पर्यावरण संवर्धन, नैसर्गिक आपत्तीग्रस्तांना मदत तसेच विविध सामाजिक उपक्रम सातत्याने राबविण्यात येणार असल्याची माहिती संस्थेच्या वतीने देण्यात आली.
समाजातील प्रत्येक गरजू व्यक्तीपर्यंत मदतीचा हात पोहोचवणे, सामाजिक बांधिलकी जपणे आणि सर्वांना सोबत घेऊन समाजहिताची व्यापक चळवळ उभी करणे हे संस्थेचे प्रमुख उद्दिष्ट असल्याचे संस्थापकांनी सांगितले.
या समाजोपयोगी कार्यात दानशूर व्यक्ती, स्वयंसेवक, सामाजिक कार्यकर्ते, विविध संस्था तसेच सर्वसामान्य नागरिकांनी सक्रिय सहभाग नोंदवून सहकार्य करावे, असे आवाहन संस्थेच्या वतीने करण्यात आले आहे.
संपर्क :
केएमबी ग्लोबल ह्युमॅनिटी फाउंडेशन
ई-मेल : kmbfoundationindia@gmail.com
संकेतस्थळ : https://kmbhumanity.ऑर्ग.
