4kNews कामोठे दि. 5
पनवेल (प्रतिनिधी) : दिवाळीनिमित्त केदार भगत यांच्यातर्फे नागरिकांना सुवासिक उटण्याच्या पाकिटांचे वाटप करण्यात आले. गेल्या १० ते १५ वर्षांपासून हा उपक्रम सातत्याने राबविण्यात येत आहे. यंदा उटण्याच्या पाकिटांवर ‘पाणी वाचवा, जीवन वाचवा’ हा जलसंवर्धनाचा संदेश देण्यात आला आहे.
या उपक्रमाचे लोकनेते माजी खासदार रामशेठ ठाकूर यांनी कौतुक केले. प्रत्येक नागरिकाने पाण्याचे महत्त्व ओळखून जलसंरक्षणाचा संकल्प करावा, असे आवाहन त्यांनी केले. पैशाने अनेक गोष्टी विकत घेता येतात; मात्र निसर्गनिर्मित पाण्याचा अमूल्य ठेवा जपणे ही प्रत्येकाची जबाबदारी आहे, असा संदेश या उपक्रमातून देण्यात आला.
यावेळी नगरसेवक हैप्पी सिंग, विशाल सावंत, प्रतीक बहिरा, ब्रिजेश बहिरा, चेतन डुकरे, शेषनाथ गायकर, भावेश शिंदे आणि विजय बहिरा आदी मान्यवर उपस्थित होते. रामशेठ ठाकूर यांनी केदार भगत यांना या सामाजिक उपक्रमासाठी शुभेच्छा दिल्या.
