4kNews कामोठे दि. 6
लोकप्रिय आमदार प्रशांत ठाकूर यांच्या आवाहनाला प्रतिसाद; मुख्यमंत्री सहायता निधीस अभिजित जाधव व सत्यवान नाईक यांच्याकडून ५१ हजारांचा धनादेश
पनवेल (प्रतिनिधी) लोकप्रिय आमदार प्रशांत ठाकूर यांनी आपल्या वाढदिवसानिमित्त बॅनर, होर्डिंग, पुष्पगुच्छ, केक तसेच इतर अनावश्यक खर्च टाळून समाजोपयोगी कार्यासाठी योगदान देण्याचे केलेले आवाहन नागरिक, कार्यकर्ते आणि हितचिंतकांकडून उत्स्फूर्तपणे स्वीकारले जात आहे. या आवाहनाला प्रतिसाद देत श्री. अभिजित जाधव व श्री. सत्यवान नाईक यांच्या वतीने मुख्यमंत्री सहायता निधीसाठी ५१ हजार रुपयांचा धनादेश आमदार प्रशांत ठाकूर यांच्या हस्ते सुपूर्द करण्यात आला.

वाढदिवसाच्या निमित्ताने होणारा अनावश्यक खर्च टाळून तो गरजू आणि समाजाच्या हितासाठी उपयोगात आणणे हीच वाढदिवसाची खरी भेट असल्याची भावना यावेळी व्यक्त करण्यात आली. अशा सामाजिक उपक्रमांमुळे समाजात सकारात्मक संदेश पोहोचतो तसेच सामाजिक बांधिलकीची भावना अधिक दृढ होते, असेही यावेळी सांगण्यात आले. वाढदिवस साजरा करताना अनावश्यक खर्चाला फाटा देऊन रक्तदान, वृक्षारोपण, आरोग्य तपासणी शिबिरे, स्वच्छता मोहीम तसेच गरजू नागरिकांना मदत अशा समाजोपयोगी उपक्रमांना प्राधान्य देण्याचे आवाहनही करण्यात आले. आमदार प्रशांत ठाकूर यांच्या या आवाहनाचे विविध स्तरांतून स्वागत होत असून, त्यांच्या वाढदिवसानिमित्त समाजहिताची परंपरा अधिक बळकट करण्यासाठी अनेक कार्यकर्ते, नागरिक आणि हितचिंतक पुढाकार घेत असल्याचे चित्र आहे. त्यामुळे वाढदिवसाच्या उत्सवाला सामाजिक बांधिलकीची जोड देण्याचा हा उपक्रम समाजासाठी प्रेरणादायी ठरत आहे.