4kNews कामोठे दि. 30
मुख्य सूत्रधाराचा शोध घेण्याची मागणी; आर्थिक व्यवहार व राजकीय हस्तक्षेपाच्या आरोपांची चौकशी करण्याची मागणी
खारघर : खारघर परिसरातील SIR प्रक्रियेशी संबंधित प्रकरणात गुन्हा दाखल करण्यात आला असून, पाच बूथ लेव्हल ऑफिसर्स (BLO) यांना निलंबित करण्यात आले आहे. रायगडचे जिल्हाधिकारी किशन जावळे यांनी याबाबत माहिती दिली.

दरम्यान, या प्रकरणात केवळ संबंधित कर्मचाऱ्यांवर कारवाई न करता, संपूर्ण प्रकारामागे कोणाचे निर्देश होते, याची चौकशी करण्याची मागणी होत आहे. कागदपत्रांच्या प्रती काढणे व त्यांचा वापर करण्यामध्ये नेमकी कोणाची भूमिका होती, याचाही तपास करण्याची मागणी करण्यात येत आहे.

या प्रकरणात आर्थिक व्यवहार झाले होते का किंवा राजकीय हस्तक्षेप होता का, याबाबतही तपास करण्यात यावा, अशी मागणी नागरिकांकडून होत आहे. SIR प्रक्रियेची विश्वासार्हता व पारदर्शकता कायम ठेवण्यासाठी निष्पक्ष आणि सखोल चौकशी करून दोषींवर कायदेशीर कारवाई करावी, अशी मागणी आहे.