4kNews कामोठे दि. 18
पनवेल : जनार्दन भगत शिक्षण प्रसारक संस्थेच्या चांगू काना ठाकूर आर्टस्, कॉमर्स अँड सायन्स कॉलेज, न्यू पनवेल (अधिकारप्रदत्त स्वायत्त) आणि मुंबई विद्यापीठ यांच्या संयुक्त विद्यमाने आंतरमहाविद्यालयीन फुटबॉल स्पर्धेचे आयोजन करण्यात आले आहे. शुक्रवार, ४ सप्टेंबर ते १२ सप्टेंबर २०२६ या कालावधीत ही स्पर्धा पार पडली.
स्पर्धेचे उद्घाटन महाविद्यालयाचे प्राचार्य प्रो. डॉ. एस. के. पाटील यांच्या हस्ते झाले. यावेळी प्रमुख पाहुणे म्हणून महाविद्यालयाचे माजी विद्यार्थी व राष्ट्रीय हँडबॉलपटू डॅनियल एन्थानी, मुंबई विद्यापीठाचे क्रीडा संचालक डॉ. मनोज रेड्डी, मुंबई शहर झोन-१ स्पर्धा सचिव डॉ. मनोज वर्मा आणि सहसचिव डॉ. व्ही. बी. नाईक उपस्थित होते.
या स्पर्धेत ५२ महाविद्यालयांच्या मुलांच्या संघांनी सहभाग नोंदविला आहे. स्पर्धेच्या यशस्वी आयोजनासाठी जिमखाना विभागाचे चेअरमन डॉ. व्ही. बी. नाईक, सहसंचालक प्रा. अनिल नाक्ती, प्रा. भरत जितेकर, प्रा. सरस्वती कोरडे यांच्यासह जिमखाना विभागातील सदस्य परिश्रम घेत आहेत.
