4kNews कामोठे दि. 8
पनवेल (वार्ताहर) : भारतीय जनता पक्षाच्या संघटनात्मक रचनेअंतर्गत राजेश गायकर यांची खालापूर पश्चिम नवीन मंडळाच्या संपर्कप्रमुखपदी नियुक्ती करण्यात आली आहे. पक्षाचे संघटन मजबूत करण्यासह पक्षाची ध्येयधोरणे तळागाळातील नागरिकांपर्यंत पोहोचविण्याची जबाबदारी त्यांच्यावर सोपविण्यात आली आहे.
गायकर यांना पक्ष संघटनेचा प्रदीर्घ अनुभव असून, त्यांनी ओबीसी मोर्चाच्या जिल्हाध्यक्षपदाची सलग सहा वर्षे जबाबदारी सांभाळली आहे. तसेच खालापूर, खारघर, कर्जत आणि पनवेल दक्षिण या विविध भागांत संपर्कप्रमुख म्हणून त्यांनी काम केले आहे.
या अनुभवाचा उपयोग खालापूर पश्चिम मंडळातील पक्षाच्या संघटनात्मक कामकाजासाठी होईल, अशी अपेक्षा व्यक्त करण्यात येत आहे. नियुक्तीबद्दल राजेश गायकर यांचे विविध स्तरांतून अभिनंदन करण्यात येत आहे.
