4kNews कामोठे
पनवेल, दि. 8 (वार्ताहर) : द ओरिएंटल इन्शुरन्स कंपनी लिमिटेडच्या पनवेल विभागात एजंट डिजिटल एक्सप्रेस कॉर्नरचा उद्घाटन सोहळा उत्साहात पार पडला. प्रतीक राजूभाई शाह यांच्या एजन्सीअंतर्गत सुरू करण्यात आलेल्या या डिजिटल एक्सप्रेस कॉर्नरचे उद्घाटन प्रादेशिक व्यवस्थापक सुरेश अढाव यांच्या हस्ते करण्यात आले.
ग्राहकांना विमा सेवांशी संबंधित सुविधा अधिक जलद, सुलभ आणि आधुनिक पद्धतीने उपलब्ध करून देण्याच्या उद्देशाने हा डिजिटल उपक्रम सुरू करण्यात आला आहे. डिजिटल माध्यमातून ग्राहकांना अधिक प्रभावी सेवा मिळण्यास या केंद्राची मदत होणार आहे.
यावेळी प्रादेशिक व्यवस्थापक नवीन सर, निथिलेश चौबे, राजेश, उमेश शुक्ला, मनीषा कोळी, उदय काठे, दीपक बोबडे, नामदेव ढोले, संजय शिर्के, विपिन नौसारीवाला, राजूभाई शाह यांच्यासह अनेक एजंट व मान्यवर उपस्थित होते. उपस्थित मान्यवरांनी या उपक्रमाचे स्वागत करून प्रतीक शाह यांचे अभिनंदन केले.
