4kNews कामोठे
हनुमंत अहिरे यांची पदोन्नती; सुपुत्र प्रतीकने मार्केटिंग विषयात संपादन केली पदव्युत्तर पदवी
पनवेल, दि. ३१ (संजय कदम) : पोलीस दलात प्रदीर्घ सेवा बजावणारे हनुमंत घनश्याम अहिरे यांना पोलीस उपनिरीक्षकपदी पदोन्नती मिळाली आहे. त्याच दिवशी त्यांचे सुपुत्र प्रतीक हनुमंत अहिरे याने युरोपमध्ये मार्केटिंग विषयात मास्टर डिग्री संपादन केली. पिता-पुत्राच्या या दुहेरी यशामुळे अहिरे कुटुंबात आनंदाचे वातावरण असून सर्व स्तरांतून त्यांच्यावर अभिनंदनाचा वर्षाव होत आहे.
हनुमंत अहिरे यांची १९९४ मध्ये रायगड जिल्हा पोलीस दलात भरती झाली. रसायनी पोलीस ठाण्यातून सेवेला सुरुवात केल्यानंतर त्यांनी पनवेल तालुका, उरण आणि पनवेल शहर पोलीस ठाण्यांसह नवी मुंबईतील सहाय्यक पोलीस आयुक्त (प्रशासन) कार्यालयात विविध जबाबदाऱ्या पार पाडल्या. त्यांच्या प्रदीर्घ सेवेनंतर त्यांना पोलीस उपनिरीक्षकपदी पदोन्नती मिळाली.
दरम्यान, प्रतीक अहिरे याने युरोपमध्ये मार्केटिंग विषयात पदव्युत्तर पदवी पूर्ण केली आहे. त्याचे प्राथमिक शिक्षण सीकेटी महाविद्यालयात झाले आहे. वडिलांची पदोन्नती आणि मुलाचे परदेशातील शैक्षणिक यश एकाच दिवशी मिळाल्याने अहिरे कुटुंबासाठी हा दिवस संस्मरणीय ठरला आहे.
