पनवेल दि.(१५(वार्ताहर): तळोजा परिसरात अवैध सिलेंडरचा साठा करून घरगुती व व्यवसायिक विक्री करणाऱ्या त्रिकुटाला तळोजा पोलसांनी केले गजाआड करून मोठ्या प्रमाणात साठा हस्तगत केला आहे.

तळोजा पोलीस  ठाणे हद्दीतील पाले खुर्द येथील इसम विकास नारायण दुर्गे ( वय 50 वर्षे) हा त्याचे स्वतःचे मालकी जागेत अवैध सिलेंडरचा साठा करून घरगुती व व्यवसायिक विक्री करत असल्याची माहीत तळोजा पोलीस ठाण्याचे वपोनि प्रवीण भगत यांना मिळताच त्यांच्या मार्गदर्शनाखाली विशेष पथकाने छापा टाकला असता सदर ठिकाणी १४०७ सिलेंडर मिळून आले असून त्यापैकी ४३८ भरलेले सिलेंडर व ९६९ रिकामे सिलेंडर मिळून आले आहेत. सदर इसमाकडे सिलेंडर गॅस विक्रीचे व साठवणूक करण्याचे कोणतेही कागदपत्रे नाहीत.

सदर ठिकाणी विकास दुर्गे याचेसह बबलू पवार, (51 वर्षे  वाहन चालक) व लखन जाधव (23 वर्षे हे काम पाहत होते. सदर इसम हा विष्णू भारत गॅस, पनवेल येथून दररोज 80 सिलेंडर 14 किलोग्रॅम वजनाचे 803 रुपये प्रति सिलेंडर दराने व वरद विनायक एचपी गॅस, कळंबोली येथून 1 दिवसाआड 48 सिलेंडर 14 किलोग्रॅम वजनाचे 825 रुपये प्रति सिलेंडर दराने ब्लॅकने खरेदी करत आहे. तसेच दर 3 दिवसाने 234 सिलेंडर 19 किलोग्रॅम वजनाचे सिलेंडर बीपीसीएल उरण येथून फ्रेंडस भारत गॅस, घणसोली यांचे नावाने खरेदी करायचा. हे सिलेंडर वाहतूक करण्याकरिता विकास दुर्गे याच्याकडे आयशर टेम्पो, महिंद्रा पिकप तसेच टाटा छोटा हत्ती अशी तीन वाहने आहेत. या

घटनास्थळावरून गॅस सिलेंडर रिफिलिंग करण्याचे सामग्री देखील मिळून आली आहे. सदर इसम हा चिंध्रन, पालेखुर्द, वावंजे, कुत्तरपाडा, देवीचापाडा, पाटीलवाडी येथील हॉटेल, दुकानदार, काही घरगुती यांना सिलेंडर विक्री करत असल्याची माहीत मिळाली आहे. या त्रिकुटाच्याटकेमुळे अवैध धंद्यांना आळा बसणार असल्याची माहिती वपोनि प्रवीण भगत यांनी दिली.