पनवेल (प्रतिनिधी) – गुळसुंदे येथील अभिनव सामाजिक विकास मंडळाच्या वतीने यंदाही नवरात्रौत्सवाचे आयोजन मोठ्या उत्साहात करण्यात आले आहे. सोमवारी विधिवत पूजा करून घटस्थापना करण्यात आली. यानंतर मंगलमय वातावरणात देवीची मूर्ती प्रतिष्ठापित करण्यात आली.
संपूर्ण परिसरात भक्तिमय वातावरण निर्माण झाले असून नवरात्रोत्सव काळात विविध धार्मिक, सांस्कृतिक कार्यक्रमांचे आयोजन करण्यात येणार आहे. श्रद्धाळू भाविकांनी मोठ्या संख्येने उपस्थित राहून देवीचे दर्शन घेतले.
