4k समाचार
पनवेल दि. 06 ( वार्ताहर ) : सेंट झेवियर स्कूल, कोनगाव या शाळेतील आठवी, नववी, दहावी वर्गातील जवळपास ३०० ते ३५० विद्यार्थी-विद्यार्थिनींचे वरिष्ठ पोलीस निरीक्षक प्रकाश सकपाळ यांच्याकडून प्रबोधन करण्यात आले.
विद्यार्थ्यांना वाहतूक नियमन आणि रस्ते सुरक्षा विषयक माहिती देण्यात आली. सायबर गुन्ह्यांबाबत आणि सायबर हेल्पलाईन १९३० बाबत माहिती दिली. सोशल मीडियाचे फायदे-तोटे, इंटरनेटचा वापर करताना घ्यावयाची काळजी, ऑनलाईन गेम खेळताना घ्यावयाची काळजी महिला सुरक्षा आणि निर्भया पथक तसेच पोलीस हेल्पलाईन ११२ बाबत माहिती दिली.
