शीख धर्माचे पहिले गुरु आणि संस्थापक गुरुनानक देवजी यांची जयंती पनवेल परिसरात भक्तीमय आणि उत्साहपूर्ण वातावरणात बुधवारी साजरी झाली. या पवित्र पर्वाच्या निमित्ताने माजी खासदार लोकनेते रामशेठ ठाकूर, आमदार प्रशांत ठाकूर, माजी नगराध्यक्ष जे. एम. म्हात्रे यांनी पनवेल, कळंबोली आणि खारघर मधील गुरुद्वारांमध्ये जाऊन दर्शन घेतले आणि गुरुनानक देवजींना नमन केले. लोकनेते रामशेठ ठाकूर यांनी पनवेल येथील गुरुद्वारांमध्ये भेट देऊन प्रार्थना केली आणि शीख बांधवांना शुभेच्छा दिल्या.
तसेच आमदार प्रशांत ठाकूर यांनी या पवित्र दिवशी गुरुनानक देवजींच्या मानवतेचा संदेश आणि समानतेच्या शिकवणीचे महत्त्व अधोरेखित केले. यावेळी कळंबोली मंडल अध्यक्ष अमर पाटील, खारघर मंडल अध्यक्ष प्रविण पाटील, माजी नगरसेवक संतोष शेट्टी, बबन मुकादम, नरेश ठाकूर, निलेश बावीस्कर, युवा नेते हॅप्पी सिंग, माजी नगरसेविका मोनीका महानवर, सरस्वती काथारा, किरण पाटील, प्रभाग १६ अध्यक्ष शिवाजी भगत, निशात सिंग गिल, लाड्डी सिद्धू यांच्यासह मान्यवर उपस्थित होते.
