4k समाचार
पनवेल दि. 27(वार्ताहर): कामोठे सेक्टर ३४ व ३५ परिसरात मालवण तडका आणि नीलकंठ हॉटेलच्या प्रवेशद्वाराजवळ दररोज गंभीर स्वरूपाची वाहतूक कोंडी होत आहे. रस्त्याची रुंदी कमी असतानाही दोन्ही बाजूंना अनियमितपणे वाहनांची पार्किंग होत असल्याने नागरिकांना मोठ्या गैरसोयीचा सामना करावा लागत आहे. याबाबत शिवसेना उप शहर प्रमुख  कामोठे सचिन त्रिमुखे यांनी  वाढत्या वाहतूक कोंडी व अनियमित पार्किंगबाबत तातडीने कार्यवाही करण्याबाबत पनवेल महापालिइकचे आयुक्त मंगेश चितळे यांना निवेदन दिले आहे  

 पाणवळ्याच्या समोर रस्त्यावर चारचाकी आणि दुचाकी वाहने अनधिकृतपणे उभी केल्यामुळे मार्ग अत्यंत अरुंद होऊन वाहतूक ठप्प होते. अनेक वेळा अपघाताच्या घटना टळल्या आहेत. यामुळे दैनंदिन वाहतूक पूर्णपणे विस्कळीत होत असून पादचारी, शाळकरी मुले व जेष्ठ नागरिकांना धोका निर्माण झाला आहे. याबाबत पनवेल महापालिकेच्या संबंधित विभागाने अनियमित व अनधिकृत पार्किंगवर दंडात्मक कारवाई, परिसरात योग्य व अधिकृत पार्किंग झोनची व्यवस्था, वाहतूक व्यवस्थेसाठी आवश्यक मार्गदर्शक फलक, नो-पार्किंग चिन्हे व रेषांकन आणि रस्त्याच्या दोन्ही बाजूंवरील अडथळे व अतिक्रमण तातडीने हटवण्याचाही मागणी करण्यात आली आहे. 

ही समस्या मागील अनेक दिवसांपासून कायम असून नागरिकांना प्रचंड त्रास होत आहे. म्हणून पनवेल महानगर पालिका मार्फत त्वरित प्रत्यक्ष पाहणी करून आवश्यक ती उपाययोजना करण्यात यावी, ही विनंती. शिवसेना उप शहर प्रमुख  सचिन त्रिमुखे आणि समाज सेविकामधुमती त्रिमूखे यांनी आयुक्त मंगेश चितळे यांना निवेदन दिले आहे. यावेळी शिवसेना शहर सह संघटक संतोष गोळे, युवासेना महानगर अधिकारी महेश भिसे, माजी उपशहर प्रमुख बाळ मंचेकर यांच्यासह शिवसैनिक उपस्थित होते.