4kNews कामोठे
पनवेल : तालुक्यातील अजिवली परिसरात वीज चोरीचा मोठा प्रकार उघडकीस आला असून, तब्बल ९ लाख ५० हजार रुपयांची वीज चोरी झाल्याचे समोर आले आहे. या प्रकरणामुळे वीज वितरण यंत्रणा आणि प्रशासनात खळबळ उडाली आहे.
मिळालेल्या माहितीनुसार, अजिवली येथील एका गाळ्यातून बेकायदेशीर पद्धतीने वीज वापर सुरू असल्याची माहिती संबंधित विभागाला मिळाली होती. त्यानंतर अधिकाऱ्यांनी तपास आणि पाहणी केली असता, गेल्या सुमारे एका वर्षापासून ही वीज चोरी सुरू असल्याचे निष्पन्न झाले.
या प्रकरणी मोहम्मद हुसेन इकबाल हुसेन खान यांच्याविरोधात पनवेल तालुका पोलीस ठाण्यात गुन्हा दाखल करण्यात आला आहे. पुढील तपास पोलीस करत आहेत.
दरम्यान, वीज चोरीमुळे शासनाचे मोठ्या प्रमाणात आर्थिक नुकसान होत असून, अशा प्रकारांवर कठोर कारवाई करण्यात येणार असल्याचा इशारा संबंधित विभागाकडून देण्यात आला आहे.
