4kNews कामोठे दि. 19
पनवेल : सेक्टर १७ व १८ परिसरातील रेल्वे पार्किंगच्या समस्येवर माजी नगरसेवक संदीप पाटील यांच्या पाठपुराव्यामुळे तोडगा निघाला आहे. महानगरपालिकेकडून रेल्वेस्टेशन परिसरात आठ ठिकाणी ‘नो पार्किंग’ बोर्ड लावण्यात आले आहेत. त्यामुळे वाहतूक पोलिसांना नियमभंग करणाऱ्या वाहनांवर कारवाई करणे शक्य होणार आहे. 

नागरिकांनी वाहने नो-पार्किंग झोनमध्ये न लावता अधिकृत पार्किंगमध्ये उभी करावीत, असे आवाहन संदीप पाटील यांनी केले. यावेळी वाहतूक शाखेचे वरिष्ठ पोलीस निरीक्षक औदुंबर पाटील, पोलीस हवालदार महेंद्र राजपूत, सतीश चौधरी तसेच राजू बोराडे, सचिन भोळे, प्रदीप वायदंडे, मयूर कदम व परिसरातील रहिवासी उपस्थित होते.