4kNews कामोठे दि. 19
पनवेल/खारघर (प्रतिनिधी) : प्रादेशिक परिवहन विभाग, पनवेल-खारघर येथील कार्यालयात सुरू असल्याच्या तक्रारी प्राप्त होत असलेल्या एडीसी संदर्भातील कथित गैरप्रकार व भ्रष्टाचाराच्या आरोपांची निष्पक्ष चौकशी करून दोषींवर कठोर कारवाई करावी, या मागणीसाठी नियोजित आंदोलनास परवानगी नाकारण्यात आली.
मात्र आंदोलनकर्त्यांनी माघार न घेता प्रादेशिक परिवहन विभागाच्या परिवहन अधिकाऱ्यांची भेट घेऊन त्यांना सविस्तर निवेदन सादर केले. संबंधित प्रकरणाची सखोल व निष्पक्ष चौकशी करावी, नागरिकांना होणारा त्रास थांबवावा तसेच गैरप्रकारांना जबाबदार असणाऱ्यांवर नियमानुसार कठोर कारवाई करावी, अशी मागणी निवेदनाद्वारे करण्यात आली.
परिवहन अधिकाऱ्यांनी निवेदनाची गांभीर्याने दखल घेत संबंधित बाबींची चौकशी करण्यात येईल, असे आश्वासन दिले. नागरिकांच्या हितासाठी तसेच परिवहन विभागातील पारदर्शकता व जबाबदारी सुनिश्चित करण्यासाठी हा लढा पुढेही सुरू ठेवण्यात येईल, अशी भूमिका आंदोलनकर्त्यांनी व्यक्त केली.
यावेळी जिल्हा उपाध्यक्ष चाँद शेख, श्रेयश भावसार, शोएब पटेल, आमिर राऊत यांच्यासह पत्रकार बंधू उपस्थित होते.
