4kNews कामोठे दि. 19
पनवेल (प्रतिनिधी) : भारतीय जनता पार्टी ओबीसी मोर्चाच्या प्रदेश उपाध्यक्षपदी तिसऱ्यांदा निवड झाल्याबद्दल विविध मान्यवरांकडून अभिनंदन व शुभेच्छांचा वर्षाव होत आहे.
पनवेलचे आमदार प्रशांत दादा ठाकूर तसेच उत्तर रायगड जिल्हाध्यक्ष अविनाश कोळी यांनी दूरध्वनीवरून अभिनंदन करून पुढील राजकीय व सामाजिक वाटचालीस शुभेच्छा दिल्या. तसेच पनवेलचे महापौर नितीन पाटील, प्रभाग समिती सभापती अजय बहिरा, भारतीय जनता पार्टी नवीन पनवेल मंडळ अध्यक्ष दशरथ म्हात्रे, नगरसेवक महादेव मधे, नगरसेवक शशिकांत शेळके आणि नगरसेवक निलेश भोईर यांनीही अभिनंदन केले.
ओबीसी समाजाच्या प्रश्नांसाठी तसेच संघटनात्मक कार्याला अधिक बळ देण्यासाठी या पदाच्या माध्यमातून सक्रियपणे काम करण्याचा निर्धार यावेळी व्यक्त करण्यात आला.
