4kNews कामोठे
पनवेल, दि. 26 (संजय कदम) : धार्मिक आणि सामाजिक कार्यात सक्रिय असलेल्या पनवेल येथील जय माताजी महिला भजन मंडळाने श्री पांजरापोळ गो-रक्षण संस्थेच्या बांधकामासाठी ५५ हजार रुपयांची देणगी दिली. मंडळाच्या या सेवाभावी उपक्रमाचे कौतुक होत आहे.
मंजू कलोर, मधु परमार, जसोदा कुमावत, नीमा वैष्णव आणि नीलम वैष्णव यांनी या देणगी उपक्रमात सहभाग घेतला. भजन आणि भक्तीच्या माध्यमातून एकत्र आलेल्या महिलांनी गो-रक्षणाच्या कार्यासाठी आर्थिक योगदान देत सामाजिक बांधिलकी जपली आहे.
जय माताजी महिला भजन मंडळातर्फे वर्षभर अन्नदान आणि मोफत औषधवाटप यांसारखे सामाजिक उपक्रमही राबविले जातात. धार्मिक कार्यासोबतच समाजोपयोगी उपक्रमांत सहभागी होण्याचा मंडळाचा हा प्रयत्न कौतुकास्पद ठरत आहे
