पनवेल, दि.16 (4kNews) ः पनवेल तालुक्यातील नेरे परिसरातून नवी मुंबई गुन्हे शाखेच्या पथकाने सापळा रचून तीन इसमांकडून दोन लोखंडी अग्नीशस्त्र (पिस्टल) व एक जीवंत काडतुस हस्तगत केले असून त्यांचा चौथा साथीदार पसार झाला आहे.

अनैतिक मानवी वाहतुक प्रतिबंध कक्षाचे पोलीस हवालदार अनिल मांडोळे यांना त्याचे गोपनिय बातमीदारा मार्फत, संशयीत इसम हे हॉटेल न्यु रॉयल कॅफे अन्ड कॅटर्स व नेरे मटण शॉप व चिकन सेंन्टर, नेरे, येथिल कॉर्नरवर वाजेकडे जाणार्‍या रोडवर चार इसम कार मधुन तसेच मोटार सायकल वरून दोन अग्निशस्त्र (पिस्टल) 7,00,000/- लाख रूपये मध्ये विक्री करण्याकरीता येणार असल्याची माहिती मिळाली त्याप्रमाणे अपर पोलीस आयुक्त गुन्हे, पोलीस उप आयुक्त, गुन्हे शाखा, नवी मुंबई व सहा. पोलीस आयुक्त, गुन्हे शाखा, वपोनि पृथ्वीराज घोरपडे यांचे मार्गदर्शनाखाली सपोनि अलका पाटील, पोहवा मांडोळे, पोशि ठाकुर, पोशि चव्हाण, पोशि कोलते तसेच पोशि शिंदे आदींच्या पथकाने सपोनिअलका पाटील यांची टिम तयार करण्यात आली.

त्यानंतर हॉटेल न्यु रॉयल कॅफे अँन्ड कॅटर्स व नेरे मटण शॉप व चिकन सेन्टर, नेरे, येथिल कॉर्नरवर वाजेकडे जाणार्‍या रोडवर सापळा लावुन बनावट ग्राहकाच्या इशार्‍यावर कारवाई केली असता पांढ-या रंगाच्या मारूती स्वीपट कार क एमएच 12 केजे 1623 मध्ये तीन इसम त्यामध्ये किशोर दत्ता धाडी, (वय 24, रा.बोनशेत, नेरे), ॠषीकेश रघुनाथ लोटे (27 रा.वलप), यशवंत बबन सत्रे (वय 24 वर्ष, रा.वलप) यांना सापळा रचून ताब्यात घेतले असता त्यांच्या ताव्यातुन 1,20,000/- रूपये किंमतीच्या दोन लोंखडी अग्निशस्त्र ( पिस्टल ) तसेच एक जिवंत काडतुस मिळुन आल्यावरून ते जप्त करण्यात आले.

कारवाई दरम्यान यामाहा कंपनीची एमटी मोटार सायकल एमएच 07 ईआर 1993 वर बसुन असलेला इसम त्यांचा साथीदार हा पाच जिवंत काडतुस घेवुन मोटार सायकल सोडुन पळुन गेला आहे. दरम्यान आरोपी यांनी गुन्हयात वापरलेली कार व मोटार सायकल पोलीसांनी जप्त केली असुन चारही इसमा विरोधात पनवेल तालुका पोलीस ठाणे येथे गुन्हा भारतीय हत्यार कायदा कलम 3, 27 सह बीएनएसक 3 (5) अन्वये गुन्हा नोंद करण्यात आला आहे. आरोपी यांच्याकडे मिळुन आलेले पिस्टल त्यांनी कोणाकडुन प्राप्त केले आहे याबाबत पोलीस अधिक तपास करत आहेत. सदर गुन्हयाचा पुढील तपास पनेवल तालुका पोलीस ठाणे करत आहेत.