4k समाचार दि. 28
कामोठे मधील सेक्टर १७,१८,१९ चा पाणी प्रश्न सुटणार
ऐन दिवाळीत अभ्यंग स्नानाच्या दिवशी कामोठे मध्ये पाणी संकट उभे राहिले. सेक्टर १७,१८,१९,२२,२३,२४ मध्ये अपुऱ्या पाणी पुरवठयामुळे अनेकांनी दिवाळीची आंघॊळ देखील केली नाही त्यावेळी महाविकास आघाडी कामोठेच्या वतीने मा. आ. बाळाराम पाटील यांच्या नेतृत्वा खाली रहिवाशी आणि कार्यकर्त्यांनी कामोठे पाणी पुरवठा कार्यालयात ठिय्या मांडला. शेवटी सिडकोच्या अधिकाऱ्यांनी सेक्टर १७,१८ व १९ मध्ये पाणी पुरवठा करण्यासाठी नवीन पाईप लाईन टाकू असे लेखी आश्वासन दिले होते.
आणि २३ ऑक्टोबर पर्यत पाईप टाकण्यात येईल असे कळवण्यात आले होते. मात्र तारीख उलटून गेली तरी पाईप न आल्याने सोमवारी (२७ ऑक्टोबर) रोजी पाणी पुरवठा कार्यालयाला टाळा लावणार होते मात्र महाविकास आघाडीच्या दणक्याने अखेर सिडको नेमली आणि २५ ऑक्टोबर रोजी ठरल्याप्रमाणे पाण्याचे पाईप आणले. काही दिवसातच या पाईपातून नागरिकांना पुरेसा पाणी पुरवठा होईल अशी भावना शेतकरी कामगार पक्षाचे शहर अध्यक्ष अमोल शितोळे यांनी व्यक्त केली.
सदर काम पाहण्यासाठी मा. नगरसेवक प्रमोद भगत, सखाराम पाटील, ज्ञानेश्वर म्हात्रे, विश्वास भगत, शिवसेना (उबाठा) प्रभाकर गोवारी, गणेश खांडगे, रुपाली धिवार, एकनाथ गोवारी,अक्षय नवसकर, बापू साळुंखे, शेकाप कुणाल भेंडे, रमेश गोरे, काँग्रेसचे डॉ. धनंजय क्षीरसागर, सूर्यवंशी, सुनील जाधव, सोनू जाधव, दत्ताराम पेडणेकर तसेच रहिवाशी मोठ्या संख्येने हजर होते.
