4k समाचार
पनवेल, दि.15  (वार्ताहर) :  गेल्या अनेक वर्षापासून खांदा वसाहत व परिसरात राजकीय तसेच सामाजिक क्षेत्रात भरीव कार्य करणारे शिवसेना ( उद्धव बाळासाहेब ठाकरे ) पक्षाचे खांदा वसाहत शहरप्रमुख सदानंद शिर्के यंदाची महानगरपालिका निवडणूक लढण्यासाठी सज्ज झाले आहेत .  

त्यांनी गेली अनेक वर्ष सामाजिक कार्य करताना असंख्य गरजूंना दरवर्षी वह्या वाटप केले . त्याचप्रमाणे महानगरपालिकेने लादलेल्या वाढीव टॅक्स संदर्भात आंदोलन पाणि संदर्भात वेळोवेळी आंदोलने  केली आहेत . महानगरपालिकेच्या अकार्यक्षमतेमुळे या भागातील रस्त्यांना पडणारे खड्डे , वाहते गटार , पाण्याचा प्रश्न आदी नागरी प्रश्नावर पनवेल महानगरपालिका व सिडको विरोधात जनआंदोलन करून न्याय मिळून दिला आहे

. तसेच कॉलेज, शाळा, पोलीस स्टेशन ,महानगरपालिका अन्य सर्व कामांसाठी अग्रेसर होऊन त्यांनी काम केले आहे . ते शिवसेना पक्षाचे एकनिष्ठ गेली  35 वर्ष कार्यरत आहेत . त्याचप्रमाणे सकल मराठा समाज खांदा कॉलनी सचिव, विशाल को-ऑपरेटिव हाऊसिंग सोसायटी अध्यक्ष, अशोक को-ऑपरेटिव हाऊसिंग सोसायटी उपाध्यक्ष, नवजीवन मित्र मंडळ अध्यक्ष, कोकण विकास सामाजिक संस्थापक अध्यक्ष म्हणून कामकाज पहात आहेत . त्यांनी महानगरपालिकैची  २०१७ साली निवडणूक लढवली आहे पण त्यांचा त्यात निसटता पराभव झाला होता . परंतु यंदा कोणत्याही परिस्थितीत त्यांना विजयी करण्याचा चंग महाविकास आघाडीच्या कार्यकर्त्यानी बांधला आहे .