4k समाचार दि. 23
पनवेल (प्रतिनिधी) माणुसकीचे नाते जपणारे, सर्व समाजघटकांना आपलेसे करणारे आणि सतत जनसामान्यांच्या समस्यांसाठी कटिबद्ध राहणारे व्यक्तिमत्त्व म्हणून ओळख असणारे भारतीय जनता पार्टीचे राज्य परिषद सदस्य अरुणशेठ भगत यांचा वाढदिवस शनिवारी (२२ नोव्हेंबर) मोठ्या उत्साहात आणि सामाजिक बांधिलकीची जपणूक करत साजरा करण्यात आला. 

या निमित्ताने विविध मान्यवरांनी उपस्थित राहून अरुणशेठ भगत यांचे अभिष्टचिंतन केले. यात माजी खासदार लोकनेते रामशेठ ठाकूर, आमदार प्रशांत ठाकूर, भाजपचे जिल्हाध्यक्ष अविनाश कोळी, जिल्हा सरचिटणीस नितिन पाटील, पनवेल महानगरपालिकेचे माजी सभागृहनेते परेश ठाकूर, माजी विरोधीपक्षनेते प्रितम म्हात्रे, जिल्हा उपाध्यक्ष गणेश कडू, मंडल अध्यक्ष, युवा मोर्चाचे जिल्हाध्यक्ष आनंद ढवळे यांच्यासह पदाधिकारी, कार्यकर्ते, नागरिक तसेच विविध संस्था-संघटनांचे पदाधिकाऱ्यांनी अरुणशेठ भगत यांचे अभिष्टचिंतन केले. वाढदिवसानिमित्त समाजोपयोगी उपक्रमांचे आयोजन करण्यात आले होते.   अरुणशेठ भगत यांनी वर्षानुवर्षे सामाजिक क्षेत्रात दिलेल्या योगदानाचा गौरवही यावेळी उपस्थित मान्यवरांनी केला.