4k समाचार दि. 27
पनवेल महानगरपालिकेच्या आगामी निवडणुकीसाठी प्रसिद्ध झालेल्या प्रारूप मतदार यादीवर हरकती आणि सूचना नोंदविण्यासाठी दिलेला कालावधी अत्यंत कमी असल्याने तत्काळ मुदतवाढ देण्यात यावी, अशी मागणी काँग्रेसतर्फे आयुक्तांकडे करण्यात आली आहे.
दि. 20 नोव्हेंबर 2025 रोजी प्रारूप मतदार यादी व हरकती जाहीर झाल्या असून हरकती दाखल करण्याची अंतिम तारीख 27 नोव्हेंबर 2025 आहे. अल्प कालावधीत मतदारांपर्यंत पोहोचणे कठीण असल्याचे नमूद करून काँग्रेसचे जिल्हाध्यक्ष सुदाम पाटील, महाराष्ट्र प्रदेश उपाध्यक्ष हरेश केणी, तसेच समाजवादी पक्षाचे जिल्हाध्यक्ष अनिल नाईक यांच्या उपस्थितीत आयुक्तांना पत्र देण्यात आले.
