4kNews दि. 10
पनवेल/प्रतिनिधी:
पनवेलमधून प्रकाशित होणार्‍या रायगड पनवेलच्या मालक, मुद्रक, प्रकाशक सुलोचना भगत यांच्या मातोश्री साखरीबाइ कृष्णा पाटील यांचे वृध्दापकाळाने निधन झाले. मृत्यूसमयी त्या 82 वर्षांच्या होत्या. 

घणसोली गावातील भजनीबुवा रमेश कृष्णा पाटील यांच्या त्या मातोश्री होत. शांत आणि मनमिळावू स्वभावामुळे त्या परिचित होत्या. त्यांच्यापश्‍चात पाच मुले, चार मुली, सुना, जावई, नातवंडे आणि पतवंडे असा परिवार आहे. पनवेलमधील रायगड पनवेलचे संपादक संतोष भगत यांच्या त्या सासूबाई होत्या. त्यांच्या पार्थिवावर घणसोली गावच्या (कौलआळी) स्मशानभूमीत अंत्यसंस्कार करण्यात आले.

त्यांचा दशक्रिया विधी सोमवार दि. 15/12/2025 रोजी सकाळी 8 वाजता घनसोली जेटी येथे होणार आहे तर दिवस कार्य बुधवार दि. 17/12/2025 रोजी खंडोबा मंदिर येथील राहत्या घरी होणार असून भेटण्यासाठी 10 ते 12 व सायं. 5 ते 8 ची वेळ देण्यात आली असल्याचे पाटील कुंटूंबियांकडून सांगण्यात आले.