4kNews कामोठे
पनवेल, दि. २३ (वार्ताहर) : पळस्पे गावातील ब्राह्मण आळी येथील रहिवासी विजय सिताराम साबळे (वय ४५) हे कामोठे येथील सेक्टर ३५ मधील पिनॅकल रेसीडन्सी, प्लॉट क्रमांक २८ येथून सकाळी साडेअकराच्या सुमारास बेपत्ता झाले आहेत. याप्रकरणी कामोठे पोलीस ठाण्यात नोंद करण्यात आली असून, पोलीस त्यांचा शोध घेत आहेत.
विजय साबळे यांचा रंग सावळा, केस काळे, बांधा मजबूत असून उंची पाच फूट सात इंच आहे. बेपत्ता होताना त्यांनी नारंगी रंगाचा टी-शर्ट व चॉकलेटी रंगाची पँट परिधान केली होती. त्यांच्या उजव्या हातात लाल धागा असून, त्यांच्याकडे काळ्या रंगाची बॅग आणि विवो कंपनीचा Y18e मोबाईल होता.
त्यांच्याबाबत कोणाला माहिती मिळाल्यास कामोठे पोलीस ठाण्याशी संपर्क साधावा, असे आवाहन पोलिसांनी केले आहे. या प्रकरणाचा तपास पोलीस हवालदार ओ. जी. साळुंखे करीत आहेत.
