4kNews कामोठे
पनवेल शहर शाखा आणि संजीवनी नेचर केअर सेंटरचा संयुक्त उपक्रम
पनवेल, दि. 23(संजय कदम) : शिवसेना (उद्धव बाळासाहेब ठाकरे) पक्षाच्या पनवेल शहर शाखा आणि संजीवनी नेचर केअर सेंटर यांच्या संयुक्त विद्यमाने लाईन आळी येथील शिवसेना शहर शाखेत मोफत आरोग्य शिबिर आयोजित करण्यात आले. या शिबिराला नागरिकांचा उत्स्फूर्त प्रतिसाद मिळाला.
संजीवनी नेचर केअर सेंटरचे डॉ. विकास शिंदे यांच्या मार्गदर्शनाखाली झालेल्या शिबिरात अ‍ॅक्युप्रेशर (सुजोक), रिफ्लेक्सोलॉजी आणि चुंबक चिकित्सा यांसारख्या उपचारपद्धतींबाबत सेवा व मार्गदर्शन करण्यात आले. पाठदुखी, कंबरदुखी, गुडघेदुखी, सांधेदुखी, मानदुखी, सायटिका, सायनस आणि मायग्रेन यांसारख्या त्रासांबाबत नागरिकांना मार्गदर्शन करण्यात आले.
या उपक्रमासाठी जिल्हाप्रमुख दीपक निकम, माजी नगरसेवक अच्युत मनोरे, नगरसेविका आर्या प्रवीण जाधव, विभागप्रमुख प्रवीण जाधव, शहर संघटिका उज्ज्वला गावडे, विभाग संघटिका अश्विनी देसाई यांच्यासह शाखाप्रमुख आणि पक्षाच्या पदाधिकाऱ्यांनी सहकार्य केले.
