‘4kNews कामोठे
कळंबोली, दि. 23 (प्रतिनिधी) : ‘क्रांती सम्राट’ वृत्तपत्राच्या संपादिका दिपालीताई पारसकर यांना पत्रकारितेतील कार्याचा गौरव म्हणून ‘न्यायसखी पुरस्कार’ प्रदान करण्यात आला. १३ ऑक्टोबर २०२६ रोजी कळंबोली येथे आयोजित कार्यक्रमात पनवेल महानगरपालिकेचे महापौर नितीन पाटील यांच्या हस्ते त्यांचा सन्मान करण्यात आला.
न्यायसखी महिला व बलात्कार समितीच्या वतीने या पुरस्काराचे आयोजन करण्यात आले होते. समितीच्या संस्थापक-अध्यक्षा ॲड. भूमिका जाधव आणि ‘संविधान पर्व न्यूज’चे संपादक चंद्रकांत जाधव यांनी कार्यक्रमाचे आयोजन केले.
पत्रकारिता ही लोकशाहीचा महत्त्वाचा आधारस्तंभ असून, समाजातील अन्याय-अत्याचार आणि सर्वसामान्य नागरिकांच्या प्रश्नांना वाचा फोडण्याचे महत्त्वपूर्ण कार्य पत्रकारांच्या माध्यमातून केले जाते. जनतेचा आवाज बुलंद करणे आणि सामाजिक न्यायाच्या प्रश्नांना व्यासपीठ उपलब्ध करून देणे, या कार्याचे महत्त्व या पुरस्काराच्या निमित्ताने अधोरेखित झाले.
दिपालीताई पारसकर यांना मिळालेला हा सन्मान ‘क्रांती सम्राट’ वृत्तपत्रासाठी अभिमानाची बाब मानली जात आहे. त्यांच्या या यशाबद्दल अभिनंदन करून पुढील पत्रकारितेच्या वाटचालीसाठी शुभेच्छा देण्यात आल्या.
